Tommaso Campanella, De sensu rerum, p. 191
sputo netum putrescit. Cubare cum aniculis noxium est
pueris,
breviatur vita, et languida fit illis vero proficuum valde. Dormire
enim
et conversari cum pueris est sibi spiritus multiplicare, vivificare
et
reiuvenescere. Tuum enim siccum pascitur ipsorum blando
humido. Quaproptr siccis
aridisque coitu pinguium succiplenarum
mulierum uti plurimum potest; phlegmaticis
vero gracilium siccarumque,
et hac ratione proles optima quoque generatur. Si
coniugia
philosophice curentur. Visio lupi te raucum facit; quoniam crassi
ipsius
vapores in nos ingredientes replent fauces: ac timor,
ipsarum
constrictioni praestat auxilium: quoniam est contractio ad
interiora.
Iam diximus de timore, quo gallus leonem afficit, et mus
Elephantem
et porcus: quod accidit vel quia stridula vox penetrat, sicut
suberis
sectio nobis horrorem indens, aut quia spiritus acumen aptius est
ad
penetrandum haec quam alia animalia ex temperiei proportione.
Vide Med. et Metaph.
Caput XVI.
Mirificas
apparentias per artem fieri, utentem natura in
visione.
~ Plerisque
scribunt quod accensa lucerna ex pinguedine anguillarum
alteriusve piscis obseratis
fenestris, ita ut aliud
lumen non adsit, videbitur domus plena aquis et
angullis,
adeo quod mulieres credulae vestes sursum contrahant;
Sic et sebum
serpentis apparere serpentes faciet. Quodque florem
vuae intra ampullam oleo plenam
si posueris, siverisque ita crescere,
maturata uva, oleum illud in lucerna efficiat
videri domum plenam
vitibus et uvis. At quidem ista experiri non licuit mihi vitam
in vinculis
perpetuis miserrime agenti: nec possibilia videntur. Nam et
olivarum
oleum semper in domo olivetum repraesentaret; et Candelae
ex adipe
arietino et vaccino, arietes et boves ostenderet. Ioa. Baptista
Porta id affirmat. Sed conquoquit oleo, et ex liquore
illo parat ostentationem.
Itaque caput asini in oleo coquit, quo in lucerna
accensa
astantes omnes caput asininum habere appareant. Possibile forte est
quod
multa exhalatio illius olei in modico lumine aërem occlusum
occuparet, et induceret
respiratione affectum sensumque asininum,
itaque alter alteri asinus videretur. Nam
qui aliqua re affectus est, inspectando
in modica luce videre sibi illam ipse
videtur. Hos autem affectus
nos non percipimus, sicuti nec passionem caninam in
nobis repentem: